Profesori i njohur mitrovicas, Miftar Kurti, përmes një shkrimi në Facebook ka thënë se tash është koha e Arian Tahirit dhe brezit të tij, raporton Gazeta Online Veriu.info.
“Edhe Ariani po qëndron, nuk po thyhet, nuk po nënshtrohet, as nuk po ligështohet. Ariani e ka kuptuar se vetëm me guxim, pasion e vizion, se vetëm me ide e koncepte të qarta dhe të artikuluara mirê, me dije dhe kulturë, me urti dhe vendosmëri i bashkon rreth vetes të gjithë.
Ariani ka arritur t’i bashkoi të gjithë ata që e duan një të ardhme më të mirë pêr Mitrovicën dhe Kosovën.” – shkruan ai.
Postimi i plotë:
DHE DY FJALË PÊR ARIAN TAHIRIN DHE MITROVICËN
Arian Tahiri po qëndron fort, po mbahet burrërisht, pavarësisht fyerjeve, sharjeve, shpifjeve dhe akuzave që po i bëhen, vetëm e vetëm se pati kurajon e mori guximin për të kandiduar për kryetar të Komunës së Mitrovicës.
Në fillim, kundêrshtarët e një të ardhme më të mirë për Mitrovicën dhe Kosovën, nuk e morën seriozisht, madje filluan ta përqeshin, duke e quajtur edhe “gomë rezervë” (siç e quajti Kryeministri A.Kurti). Kur ua “luajti trurin” me paraqitjen e tij në studio televizive në fushatën parazgjedhore, kur e vërejtën guximin, vizionin, përkushtimin, karizmën dhe qëndrimin e tij stoik përballë sulmeve dhe nga pushtetarët e kohës së perënduar, filluan ta sulmojnë në mënyra të ndryshme.
Ariani as nuk u ligështua, as nuk u thye, as nuk u dorëzua, por u kthy në ankth për qeveritarët në shkuarje. Në vend se të ligështohej Ariani, ligësia e kaploi gjithë kabinetiin e ish-Qeverisë Kurti 2. Kabineti qeveritar u (zh)vendos në Mitrovicë për t’i shpallur “luftë” një djali të ri, sepse ai ka guxuar të kandidohet pêr kryetar komune. Në vend që brezi i rii, siç është Arian Tahiri, të inkurajohet pêr gatishmërinë pêr ta marë më duar fatin e brezit të tij, ai sulmohet.
Sulmet me motive të tilla, pêrbëjnë ligësi të madhe, janë sulme kundêr të ardhmes. Këtë ligësi po e shpërfaqin pa fije turpi qeveritarët e përtashëm.
Ka disa javë që qeveritarët, në krye me ish-kryeministrin Albun Kurti, kanë ngritur një kamp(us) të (pa) dukshëm (pêr)qëndrimi në Mitrovicë, ku po qëndrojnë tash e disa javë, err e terr, nga mbrëmja në mesnatë, madje edhe deri në mëngjes. Të gjitha sulmet i kanë orientuar në drejtim të Arian Tahirit dhe ndaj të gjithë atyre që e mbështesin vizionin e tij pêr Mitrovicën.
Këto sulme të koordinuara dhe të sponzorizuara nga ata që nuk ia duan të mirën Mitrovicës dhe Kosovës, vetëm sa po e kalisin Arianin dhe brezin e tij.
Në faqet e historisë janë regjistruar sulme të tilla nga koha e antikitetit e deri sot.
Në fillet e veprimtarisë së tyre politike, ushtarake, krijuese e predikuese; janë sulmuar djem e vajza, burra e gra, janë sulmuar politikanë, ushtarakë, klerikë, shkrimtarë, filozofë, prijës shteteve, mbretërive e perandorive; janë sulmuar gjeni e profetë. Janë sulmuar, por nuk janë dorëzuar, nuk janë thyer, nuk janë nënshtruar, nuk janë gjunjëzuar. Kanë qëndruar stoik. Kësisoj, idetë dhe konceptet e tyre e kanë çuar njerëzimin në një të ardhme më të mirë.
Edhe Ariani po qëndron, nuk po thyhet, nuk po nënshtrohet, as nuk po ligështohet. Ariani e ka kuptuar se vetëm me guxim, pasion e vizion, se vetëm me ide e koncepte të qarta dhe të artikuluara mirê, me dije dhe kulturë, me urti dhe vendosmëri i bashkon rreth vetes të gjithë.
Ariani ka arritur t’i bashkoi të gjithë ata që e duan një të ardhme më të mirë pêr Mitrovicën dhe Kosovën.
Nga viti i lirisë 1999, nuk mbaj mend, nuk mê kujtohet që dikush ka arritur t’i bashkoi më shumë qytetarët e Mitrovicës, rreth një koncepti dhe vizioni pêr Mitrovicën.
Askush si Arian Tahiri nuk i ka tronditur më shumê pushtetarët arrogantë të pushtetit qëndror, pushtetarët hakmarrës dhe të shpêrfytyruar nga privilegjet e pushteti. Jo me shpifje e ligësi, por me kulturë dhe vizion. Ai është kthyer në ankth për ish-qeveritarët e ish-Qverisë Kurti.
Prandaj sulmohet kaq shumë, shpifet ndaj tij, akuzohe pa asnjë argument.
Duhet guxim i madh të ballafaqohesh me një mentalitet të tillë. Duhet shumë pêrkushtim e përqëndrim, pasion e vizion, urtësi e mençuri derisa të arritësh në cakun e duhur. Ariani ka qenë i vetëdijshëm pêr këtë që nga momenti kur ēshtë nisur në këtë rrugë.
Ariani po arrin në cakun e duhur me guxim, me energji pozitive, me vizion dhe me të drejtën në anën e tij.
Arian Tahiri, gjatëj fushatës parazgjedhore, edhe gjatë balotazhit, si kandidat për kryetar të Komunës së Mitovicës, është kthyer në kryefjalë, në kryetemë gjatë bisedave në rrugë e në sheshe, gjatë debateve në studio televizive, në institucione lokale dhe qëndrore në Kosovë dhe Shqipëri, në diasporë dhe kudo ku ka interesim për të mësuar për Mitrovicën.
Arian Tahiri e ka kthyer Mitrovicën në kryelajm, e ka kthyer në qendêr të vëmendjes në Kosovë. Mitrovica, gjatë kësaj fushate ështê kthyer në kryeqendër të Kosovês në fushën politike dhe mediatike, por jo vetëm.
Arian Tahiri, me fushatën e tij, e ka kthyer Mitrovicën në qendêr të vëmendjes në gjithë hapësirën shqiptare, ku kulturës i thuhet kulturë e ku vizioni për të ardhmen kthehet në pasion dhe mision.
Ariani, si kandidat për kryetar të Komunës së Mitrovicês, është fituesi më i madh i zgjedhjeve lokale në Kosovë në vitin 2025.
Ariani,si kandidat për kryetar të Mitrovicës, është fitues i betejës, sepse me qëndrimin e tij dinjitoz dhe me kulturën e tij, e ktheu në qendêr të vëmendjes Mitrovicën dhe e mbajti Mitrovicën në piedestalin që e meriton.
Arian Tahir hapi njē faqe të re për Mitrovicën.
Më gëzon fakti që djali i një veterani të Ushtrisë Çlirimtare të Kosovës dhe i një mësidhënëseje, e ka kthyer Mitrovicën në kryeqendër politike dhe mediatike të Kosovës.
Vota ime shkon për kryetarin Arian Tahirin dhe për një të ardhme më të mirë për Komunën Mitrovicës!
Është koha e Arian Tahirit dhe brezit të tij.
E kemi obligim ta përkrahim gjeneratën e Arianit, është e ardhmja e këtij vendi.
