Presidentja e Kosovës, Vjosa Osmani, pasi e shfrytëzoi të drejtën e saj për votë, u deklarua para gazetarëve.
Ajo u pyet se si ndikojnë këto zgjedhje në situatën aktuale politike.
Osmani tha se zgjedhjet lokale s’kanë ndikim në proceset në nivel nacional nëpër të cilat po kalon Kosova.
“Zgjedhjet komunale nuk kanë ndikim në proceset në nivel nacional në të cilat po kalojmë, proceset në nivel nacional janë duke u zhvilluar në përputhje të plotë me kushtetutën e vendit dhe do të shohim në ditët në vijim se çfarë do të ndodhë. Megjithatë çka është me rëndësi është që Kosova në çdo palë zgjedhje tregon maturi”, tha ajo.
“Jo vetëm që këto zgjedhje lokale nuk kanë ndërlidhmëri me zgjedhjet nacionale, por edhe zgjedhjet nacionale kurdo që t’i kemi ato sepse kjo varet nga partitë politike që përfaqësohen në kuvend, jam e bindur që do të jenë një gur më shumë në këtë kalanë e demokracisë që e kemi ndërtuar përgjatë shumë viteve”, ka shtuar ajo. /Express/
