Një paralajmërim për cunami është lëshuar për prefekturën Iwate të Japonisë, pas një tërmeti me magnitudë 6.7 që goditi vendin.
Qyteti i Ofunato ka lëshuar udhëzim për evakuim për 6,138 persona në 2,825 familje që jetojnë në zonat bregdetare të qytetit.
Edhe komunat e tjera, përfshirë qytetin e Kamaishi, Otsuchi dhe Rikuzentakata, u kanë bërë thirrje banorëve që të evakuohen menjëherë.
Paralajmërimi për cunami përfshin valë të parashikuara deri në 1 metër.
Deri më tani, autoritetet nuk kanë raportuar për persona të lënduar.
