Ish-deputeti i Lëvizjes Vetëvendosje, Enver Dugolli, ka deklaruar se VV është fituese e zgjedhjeve lokale, duke theksuar se subjekti ka ruajtur katër komunat që ka qeverisur dhe ka fituar edhe tri të tjera, raporton GazetaBlic.
Sipas tij, rezultati është i jashtëzakonshëm, pasi Vetëvendosje ka garuar pothuajse e vetme përballë të gjitha partive të tjera dhe megjithatë ka arritur një sukses të konsiderueshëm.
“Lëvizja Vetëvendosje është fituese e zgjedhjeve lokale. Përveçse ka mbajtur 4 komunat qe ka qeverisë, i kemi fituar edhe 3 komuna tjera. Është fituese edhe për faktin se krejtësisht e vetme përballë pothuajse të gjitha partive tjera ka arritur të këtë rezultat të shkëlqyeshëm”, tha Dugolli për GazetaBlic.
