Prokuroria Themelore në Mitrovicë pak më parë njoftoi se ka urdhëruar Komisionin Komunal Zgjedhor që të rifillojë procesin e numërimit të fletëvotimeve në Mitrovicën e Jugut.
Sipas njoftimit, vendimi është marrë pas sqarimit të kompanisë sllovene CETIS për printimin e fletëvotimeve.
Dy hetues policor janë përcaktuar të jenë prezentë gjatë tërë kohës së numërimit të votave.
Ndërsa, Komisioni Qendror i Zgjedhjeve (KQZ) ka bërë të ditur se procesi i verifikimit në Qendrën Komunale të Mitrovicës së Jugut do të vazhdojë nga ora 16:00.
“Ju njoftoj se në orën 16:00 do të vazhdojë procesi i verifikimit në Qendrën Komunale të Mitrovicës e Jugut”, thonë nga KQZ-ja.
