Glauk Konjufca, ka afat deri më 19 nëntor që t’ia propozojë Kuvendit përbërjen e re qeveritare, për të parë nëse i ka votat e nevojshme për ta formuar ekzekutivin e ri.
Në lidhje me këtë çështje ka folur për “Gazeta Blic”,ish-deputeti i AAK-së, Pal Lekaj.
Lekaj thotë se AAK nuk ka votë për Glauk Konjufcën dhe për asnjë Qeveri nga Lëvizja Vetëvendosje.
Sipas Lekajt, Qeveria aktuale e ka humbur legjitimitetin dhe zgjidhja e duhur për vendin është shkuarja në zgjedhje të reja.
“Sa i përket çështjes, Konjufca e ka afatin deri më 19 nëntor për ta propozuar përbërjen e re të Qeverisë, por për ne është e qartë: AAK nuk do ta votojë Glauk Konjufcën dhe asnjë qeveri të re të propozuar nga LVV”.
Ai shtoi se ‘riciklimi i figurave të njëjta e ka quar Kosovën në stagnim’
“Ne besojmë se kjo qeveri e ka humbur legjitimitetin dhe vendi ka nevojë për zgjedhje të reja, jo për riciklim të figurave të njëjta që e kanë çuar Kosovën në stagnim”.
“Sa për votat, kjo mbetet përgjegjësi e LVV-së, por qëndrimi ynë është i prerë , AAK nuk e jep votën për këtë ekzekutiv”- përfundoi Lekaj për GazetaBlic.
