Pesë (5) anëtar të Këshillit Prokurorial i Kosovës në kundërshtim me nenin 37/A, paragrafin 1 të Ligjit për Këshillin Prokurorial, kanë vendosur jashtëligjshem që të marrin një vendim pa efekt juridik, sepse për vendimmarrje në Këshill duhet të formohet korumi së paku prej 6 anëtarësh nga 10 anëtar sa i ka Këshilli.
Andaj, votimi i vetëm (5) anëtarëve, pa pjesën tjetër të Këshillit për të formuar korumin e nevojshëm është i jashtëligjshem.
Gjithashtu, i jashtëligjshëm është edhe caktimi i u.d. Kryepokurorit të Shtetit.
Besim Kelmendi, ushtrues detyre i kryeprokurorit të shtetit, është shkarkuar nga kjo pozitë në mbledhjen e Këshillit Prokurorial.
Ky vendim u mor nga 5 anëtarë të Këshillit pasi paraprakisht 5 tjerë lëshuan mbledhjen duke e quajtur këtë vendim si tentim për shkatërrim të sistemit prokurorial në vend, raporton Gazeta Online Veriu.info.
Kësisoj mbledhja e Këshillit Prokurorial dhe vendimi u morën pa kuorum, pasi 5 anëtarë lëshuan mbledhjen duke e bërë këtë vendim të jashtëligjshëm./Veriu.info/
