Ish-deputeti i Partisë Demokratike të Kosovës, Artan Behrami ka folur sot për kryetarin e ri të kësaj partie, Bedri Hamzën, duke e konsideruar si personalitet me bagazh profesional.
Behrami tha se ai ka ndryshuar ekonominë, infrastrukturën dhe arsimin në Kosovë.
Në emisionin “DPT te Fidani” në Klan Kosova ai u shpreh se Hamza është ilaçi i vetëm kundër popullizmit.
“Po e sjell në PDK një frymë e cila bazohet në trashëgiminë e tij politike, si një personalitet i pakorruptueshëm, me bagazh profesional, si një personalitet që e ka ndryshuar ekonominë e Kosovës, e ka transformuar infrastrukturën dhe arsimin e Kosovës dhe si një personalitet siç është Bedri Hamza, i cili është ilaçi i vetëm i popullizmit, sepse kundër popullizmit ilaçi i vetëm është kompetenca dhe ai e ka këtë, e ka vizionin, e ka planin e ka planprogramin për ta transformuar këtë shoqëri”, u shpreh Behrami.
