Presidentja e vendit, Vjosa Osmani, ka caktuar 28 dhjetorin si datë kur pritet të mbahen zgjedhjet e jashtëzakonshme parlamentare.
Mbajtja e zgjedhjeve në këtë datë u shoqërua me reagime pasi 28 dhjetori ishte një propozim i LVV-së.
Në lidhje me këtë çështje dhe se çfarë pritet të sjellin këto zgjedhje ka folur për “Gazeta Blic”, njohësi i zhvillimeve politike në vend, Burim Ramadani.
Ramadani tha se që 8 muaj ka qenë e dukshme se nuk ka Kurti 3 dhe nuk ka shumicë parlamentare.
Ai tha se ‘ dramaciteti është mënyrë e gabuar e veprimit politik e institucional’.
“Përgjegjësia e tendencave që zhvillimet të jenë apontë duken dramatike bie direkt në binomin Vjosa-Albin.E tërë kjo situatë edhe është keqmenaxhuar, edhe është abuzuar. Që nga fillimi, pra gati 8 muaj më parë, ka qenë e dukshme që nuk ka Kurti 3 dhe nuk ka shumicë parlamentare. Rrjedhmisht, dramaciteti është mënyrë e gabuar e veprimit politik e institucional” tha Ramadani.
Ai tha rezultatet e 28 dhjetorit përcaktohen nga niveli i angazhimit shoqëror për të nxjerr Kosovën nga kriza.
Ramadani potencoi se ‘Kosova nuk ka mungesë politikanësh, por ka mungesë zërash të matur’ dhe sipas tani është koha kur të gjitha mendjet e kthjellëta duhet të angazhohen përndryshe Kosova nuk del nga kriza.
“Rezultatet e 28 dhjetorit përcaktohen nga niveli i angazhimit shoqëror për të nxjerr Kosovën nga kriza.Kosova nuk ka mungesë politikanësh, por ka mungesë zërash të matur.Kjo është koha kur të gjitha mendjet e kthjellëta duhet të angazhohen, përndryshe Kosova nuk del nga kriza që po shkon në kolaps” tha Ramadani në përgjigjen e dhënë për “Gazeta Blic”.
