Analisti Shenoll Muharremi ka komentuar nominimin e Lumir Abdixhikut si kandidat për kryeministër nga radhët e LDK-së.
Ai ka bërë me dije në vitin 2026 kryeministër i vendit do të jetë Lumir Abdixhiku ose Bedri Hamza.
Në profilin e tij në “Facebook”, Muharremi ka shkruar se kjo do të ndodhë për shkak të kompromisit që do të kërkohet për formimin e qeverisë së re pas zgjedhjeve.
“LDK e paska nominu Lumirin për KM, përsëri. Besoj që askush nuk është befasu me këtë veprim, mesiguri procedural vetëm. Duket që Abdixhiku kësaj radhe ka me i pas gjasat më të mëdha ndonjëherë për këtë pozitë. Bashkë me Bedri Hamzën, mesiguri njëri prej tyre ka me qenë Kryeministër i Kosovës prej vitit 2026 e andej. Kjo për shkak se do të duhet një kompromis i madh mes LVV dhe së paku njërës prej partive. Basti im kësaj radhe është që kompromisi mes partive nënkupton që Albin Kurti të votohet për President e posti i Kryeministri do i takon partnerit tjetër të madh. Cildo që të jetë, Hamza apo Abdixhiku, dytë kanë me bë punë të mirë për Kosovën dhe kanë me sjellë stabilitet dhe normalitet e funksionlizim më të mirë sesa këtë gjendje që e kemi tani”, ka shkruar ai, duke dhënë detaje tjera.
“E tash, pas këtij rasti, nuk di nëse LDK ka ndonjë rregull të brenshme se sa herë mundet me nominu një person për kryeministër? Apo ndoshta rregulla është që kushdo që është kryetar partie është kandidati i partisë. Po pyes për shkak se kam dëshirë në të ardhmën me pa edhe llojin e Hykmete Bajrami apo ndonjë grua tjerët me specifika të ngjashme që nominohet për Kryeministër dhe e drejton qeverinë e Kosovës. Pas opcioneve që i kemi aktualisht, Abdixhiku dhe Hamzam besoj që Hykmete Bajrami është opcion imediat që duhet me testu në të ardhmën. Në Kosovë duhemi me frymëzu dhe me provu drejtimin e qeverisë edhe nga gratë, se asnjëherë skemi pasur deri tani, por rasti në fjalë nuk është cështje e aspektit gjinor sa kompetencës dhe ortientimit ekonomik që i nevojitet Kosovës”, ka shkruar ai.
