Anëtari i kryesisë së AAK-së Besnik Tahiri, ishte mysafir i edicionit të sotëm të DPT te Fidani.
Tahiri në Klan Kosova ka folur për situatën politike në vend.
Ai tha se po të kishte qenë deputet do të votonte pro konstituimit të Kuvendit.
“Që nga dita e parë e kemi ditë që z. Kurti nuk i ka numrat për Qeveri. Ne do ta kishim konstituuar Kuvendin dhe i kishim thënë zotëri, ti shohim numrat, ky si ka pasë numrat. Nuk ka dashtë me pas Qeveri Kurti me 61 deputetë, për shkak se e ka ditur se ajo qeveri është me 62 kryeministra”, deklaroi ai në Klan Kosova.
Presidentja e Kosovës Vjosa Osmani, tashmë e ka caktuar datën e zgjedhjeve të jashtëzakonshme.
Ato pritet të mbahen më 28 dhjetor.
