Kryetari i AAK-së, Ramush Haradinaj, ka bërë të ditur se strukturat e Aleancës në diasporë janë mobilizuar për zgjedhjet e 28 dhjetorit.
Në një takim në Lörrach të Baden-Württemberg, ku mori pjesë edhe shefi i Shtabit Zgjedhor, Bekë Berisha, u konfirmua kandidatura e Nezir Gashit për deputet.
Haradinaj tha se Gashi, nga Qypeva e Klinës dhe vëlla i dëshmorit Hazir Gashi, përfaqëson përkushtimin dhe besnikërinë e diasporës ndaj kauzës së AAK-së.
Ai e cilësoi diasporën forcë të pazëvendësueshme për Kosovën dhe u bëri thirrje mërgimtarëve që më 28 dhjetor të vijnë në vendlindje për të “festuar bashkë”.
