Deputetja e Lidhjes Demokratike, Hykmete Bajrami, ka artikuluar kritika të ashpra ndaj ekzekutivit duke i nxjerr bilancin katërvjeçar të Qeverisë Kurti 2.
Gjatë një interviste në emisionin “Rubikon”, Bajrami u ndal te treguesit ekonomikë dhe socialë, duke vënë theksin te rritja e kostos së jetesës dhe emigrimi masiv. Sipas saj, në ekonominë e Kosovës po mbizotëron importi dhe varësia nga paratë e diasporës.
“Kemi rritje eksponenciale të importit – jemi duke importuar më shumë, çmimet i kemi të larta, rinia ka ikur dhe financimi i konsumit kosovar në masë të madh bëhet nga remitencat.” – tha Bajrami.
