Kandidatja për deputete e LDK-së, Janina Ymeri, ka reaguar sërish pas deklarimeve të Armend Mujës, duke thënë se statistikat zyrtare të Danimarkës nuk përputhen me narrativën e pushtetit për shkëmbimin e energjisë.
Ajo përmes një shkrimi në Facebook thekson se të dhënat daneze nuk tregojnë asnjë lloj shkëmbimi të energjisë elektrike me Kosovën, me kodin tregtar që, sipas saj, qeveria pretendon se është në funksion.
Ymeri akuzon institucionet kosovare se po ndryshojnë të dhënat shtetërore për të manipuluar publikun.
“Ndryshimi i të dhënave shtetërore të Kosovës për manipulime e mashtrim populli e çon këtë debat krejt në një drejtim tjetër,” shkroi ajo, duke shtuar me ironi se tash qytetarët mund t’u besojnë vetëm letërnjoftimeve dhe pasaportave.
Ajo paralajmëroi se pushteti mund të dalë edhe me “grafikën e radhës” për ta mbuluar situatën.
“Ndodh që sonte gatuhet naj grafikë tjetër nga partia me logo V ose naj post prej ndonjë institucioni – se edhe ashtu ma shumë keni ‘gatu’ grafika sesa bukë nga mielli i Kosovës,” përfundoi Ymeri.
