Lënia e Agim Veliut jashtë listës së kandidatëve të LDK-së për deputet nga ‘tandemi’ Lumir Abdixhiku e Ekrem Hyseni, po vazhdon të kritikohet ashpër nga themeluesit e kësaj partie.
Ish kryetari i Fushë Kosovës nga radhët e LDK-së, Skender Zogaj e ka kritikuar ashpër këtë veprim të drejtuesve të partisë, duke thënë kjo që po ndodh i ngjanë se e ka qëllim rrënimin nga brenda të Kalasë LDK.
Sipas Zogaj, ky është atak ndaj themeluesve dhe sakrifikuesve më të devotshëm të LDK-së, transmeton Veriu.info.
Reagimi i Skender Zogaj:
Ky nuk është inat, por është atak ndaj themeluesve dhe sakrifikuesve më të devotshëm të LDK-s! Kjo është përbuzje fatale ndaj veteranëve të LDK . Mos të harrojmë se Agim Veliu e ka plumbin në trup por nuk është ndalur!
Me keqardhe më duhet të them se, kjo që po ndodh më ngjanë se e ka qëllim rrënimin nga brenda të Kalasë LDK.
Ish kryetari i LDK-së në Vushtrri: Gabim mos kandidimi i Agim Veliut për deputet
