Kryetari i Lidhjes Demokratike të Kosovës, Lumir Abdixhiku, ka publikuar sot listën e kandidatëve për deputetë për zgjedhjet e parakohshme të 28 dhjetorit, të cilën e ka quajtur “lista e shpresës”.
Abdixhiku tha se kjo listë përfaqëson një kombinim të profesionistëve të dëshmuar, aktivistëve të LDK-së dhe gjeneratës së re që kërkon hapësirë e përgjegjësi në ndërtimin e institucioneve të vendit.
Sipas tij, secili emër në listë qëndron mbi vlera të integritetit, besimit dhe shërbimit ndaj qytetarëve.
“Me këtë listë, LDK nis rrugëtimin drejt 28 dhjetorit për ta kthyer vendin në normalitet, për t’i rikthyer institucioneve stabilitetin, ekonomisë zhvillimin dhe qytetarëve dinjitetin. Shkojmë drejt fitores me qetësi, dije dhe përkushtim”, ka deklaruar Abdixhiku.
