Rrezarta Krasniqi, kandidate për deputete nga LDK me numrin 36, zhvillon takim me Ukë Rugovën
Kandidatja për deputete nga Lidhja Demokratike e Kosovës, Rrezarta Krasniqi (nr. 36), ka zhvilluar një takim me Ukë Rugovën, të cilin e ka vlerësuar si gjithmonë të këndshëm dhe miqësor.
Vushtrriasja ka theksuar se LDK-ja dhe familja Rugova mbeten të pandara në vizion dhe mision, duke nënvizuar vazhdimin e rrugës politike të Presidentit Historik, Ibrahim Rugova. Krasniqi ka deklaruar se synimi i përbashkët është një Kosovë e integruar në Bashkimin Evropian dhe NATO, si dhe forcimi i miqësisë së përhershme me Shtetet e Bashkuara të Amerikës.
Në përmbyllje, ajo ka uruar që fushata dhe procesi zgjedhor të ecin mbarë.
Rrezarta Krasniqi në këto zgjedhje ka numrin 36.
