Kandidati i LDK-së me numër 33 për deputet në Kuvendin e Kosovës, Fadil Geci, ka vazhduar me vizita në mërgatë, ku është mirëpritur nga shumë përkrahës.
Në takim me bashkëatdhetarët në Amstetten të Austrisë, bashkë me Fadil Gecin ishte edhe ish kryeministri Avdullah Hoti, ku thotë se morën përkrahje të fuqishme për zgjedhjet e 28 dhjetorit.
Geci ka zhvilluar takim edhe me mërgatën në Basel të Zvicrës, të cilët i dhanë mbështetje të madhe kandidaturës së tij për deputet nga radhët e LDK-së.
Ndryshe, Fadil Geci ishte deputet i dy legjislaturave në Kuvendin e Kosovës gjatë udhëheqjes së LDK-së nga ish presidenti Ibrahim Rugova.
