Kandidati për deputet, Muzafer Shala, i cili është profesor i Shkencave Kompjuterie, ka theksuar nevojën urgjente për orientim më të hershëm profesional të të rinjve në Kosovë, duke vlerësuar se mungesa e një qasjeje të tillë po ndikon drejtpërdrejt në zhvillimin e tyre dhe në përgatitjen për tregun e punës.
Në një deklaratë publike, Shala ka thënë se fëmijët në Kosovë nuk po orientohen si duhet që në moshë të hershme drejt profesioneve të së ardhmes, duke shtuar se sistemi arsimor duhet të luajë rol më aktiv në këtë proces.
Sipas tij, profilizimi i nxënësve duhet të nisë që në fazat e para të arsimimit, për t’i ndihmuar ata të identifikojnë prirjet, talentet dhe interesat e tyre.
