Lëvizja VETËVENDOSJE! hapi fushatën e saj në Mitrovicë. Paraprakisht, Kryeminstri Albin Kurti, përuroi urën e re për këmbësorët mbi lumin Ibër.
Ai tha se kjo urë shërben për të ofruar qytetin e qytetarët nga të dyja anët më shumë se kurrë.
Në vazhdën e zotimeve, për Mitrovicën Kurti tha se do të ndërtohet edhe ura e tretë, si rrugë lidhëse nga Mulliri i Zhabarit deri në Gushavc e Vidimriq. Trepça do të fuqizohet, e xhamia e Ibrit do të rindërtohet, duke ruajtur trashëgiminë nga e kaluara. E edhe nga Mitrovica, Albin Kurti përsëriti zotimin e tij për dyfishimin e shtesave për fëmijë nga 45 në 90 euro, si dhe rritjen e shtesave në 500 euro për nënat lehona.
Duke i falenderuar qytetarët, ai i ftoi që të mbështesin vazhdimësinë e qeverisjes së tij, e cila premton siguri e begati, përmes votimit të numrit 116, të Lëvizjes VETËVENDOSJE!.
