Mytaher Haskuka, kandidat i VV-së për deputet ka kërkuar, njëjtë si Faton Peci, që ura e re për këmbësor mbi lumir Ibër, të quhet Ura e Albin Kurtit.
Në një intervistë në TëVë1, Haskuka pati lavde të mëdha për shefin e tij politkë: “Është i pastër, është i palëkundur”, tha ai.
“Pse jo? Duhet të vendos Mitrovica për këtë, qytetarët, dhe kryetari. Dhe, unë mendoj që ai ka të drejtë edhe të propozojë, dhe mendoj që PO, pse jo të ketë emrin Albin Kurti. Mendoj që të gjitha veprimet që kanë mundësuar ndërtimin e kësaj ure, dhe lëvizjen e lirë, s’do të ishin të mundura. Është i pastër, i palëkundur. Kjo ka qenë e mundur vetëm me Albin Kurtin”, tha ai.
