Blerand Stavileci në një konferencë për media ka thënë se të dhënat nga terreni që i kanë ekipet e PDK-së flasin se vota po del të jetë vendimtare dhe historike për këtë parti.
Ai ka thënë se janë të bindur se do të ketë një rezultat të mirë për PDK-në.
“Gjatë gjithë ditës kemi thënë me përgjegjësi se mbështetja që po marrim ka peshë të veçantë. Sot bazuar në të dhënat nga terreni e përsërisim se vota po shkon drejt të qenit vendimtare dhe historike për PDK-në”, ka thënë Stavileci.
“Jemi të bindur për një rezultat të mirë të PDK-së”, ka thënë veç të tjerash ai.
Sipas Stavilecit nuk është raportuar për parregullsi.
“Nga të dhënat që kemi nga terreni nuk ka pasur probleme, sa i takon pjesëmarrjes mendoj se është brenda asaj që edhe ne e kemi parashikuar”, ka thënë ai.
