Rron Gjinovci, analist, dhe Janina Ymeri, kandidate e LDK-së për deputete, janë përfshirë në një polemikë nga distanca. Ata nuk kanë kursyer fjalët për njeri-tjetrin, duke përdorur terme fshikëlluese. Si erdhi deri këtu?
Gjithcka nisi kur Gjinovci e komentoi një deklaratë të Ymerit, e cila shkroi pas humbjes së LDK-së në zgjedhje dhe fitores dërrmuese të VV-së. Para se të citojmë deklaratën e Gjinovcit, së pari, cka shkroi Ymeri e LDK-së?
Në fakt, Gjinovci komentoi një pjesë të shkrimit të Ymerit, e cila pretendoi se “populli e don parën pa punu”.
“Ka fol me rrymë, me Martina, hajni tenderesh por bindshëm, se ky popull e don parën pa punu, ka fol mbrëmë.
Kjo tregon edhe per mentalitetin tone edhe elektorati ka cdo te drejte në përzgjedhje.
Pra, vendi ka vendos me përzanë rininë e vet, duke duartrokit Albin Kurtin e marr 100 Euro disa here vit.
E rëndësishme është ta dish se ku po reshtohesh, kë po duartrokit e për çfarë Kosove po punon, për një njeri që është kunder vendit të tij edhe e largon rininë si Albini apo për Kosovën” – shkroi Ymeri, ndër të tjera, transmeton Gazeta Politika.
Gjinovci shkroi pikërisht për këtë pjesë të statusit të Ymerit.
“Majani në men ftyrën dhe emrin kur t’vijnë zgjedhjet e ardhshme. Doli në publik dhe mendoi se fiton tu keqinformu. Tash populli i ka fajet” – shkroi shkurtimisht Gjinovci.
Në kundërpërgjigjen e saj, Ymeri shkroi gjatë, duke e quajtur Gjinovcin “ekstremist të majtë”.
“Ne thelb, këta janë beleshxhi e dembela qe e kane punën alergji e maskohen si “intelektuale” me retorike sofiste e broçkulla trockistë.
Po realitetin ekonomik e social punon me ligjin e gravitetit dhe nuk mundet me riciklime te parullave nga revolucionet e dështuara ne histori. Është çështje kohe po përfundimi ka me qene si kudo ku ka qene ne pushtet e majta ekstreme” – shkroi Ymeri.
Edhe Gjinovci e shkroi një kundërpërgjigje të gjatë në kundërpërgjigjen, po ashtu, të gjatë të Ymerit.
“Me këtë reagim profesionistja ma dëshmoi se është nji analfa si shumica e atyne që dalin në televizor në Kosovë. Kish marrë me shkru në standard po kish probleme thelbësore në sintaksë e morfologji…
Mandej vazhdoi tu thanë që në Kosovë pushteti udhëhiqet nga nji ideologji e ekstremit të majtë. Po të ishte pushteti i udhëhequn prej ideologjisë së ekstremit të majtë, bankat nuk kishin dalë me fitim këto 5 vjetët e fundit, as s’kishte me kenë Kosova ndër të rrallat vende pa tatim në dividentë. A e shihni si nuk arrin me identifiku gabimin logjik të fjalive që përdor. Kjo është saktësisht çka analfabeti funksional ban zakonisht” – shkroi Gjinovci.
