Kryetari i AAK-së, Ramush Haradinaj, ka reaguar pas përfundimit të zgjedhjeve të fundit, duke shprehur shqetësimin se rezultatet e tyre nuk do t’i zgjidhin problemet e përditshme me të cilat po përballen qytetarët e Kosovës, në veçanti krizën energjetike.
Haradinaj ka thënë se gjendja me furnizimin me energji elektrike është alarmante, duke theksuar se shumë vendbanime po përballen me reduktime të tejzgjatura, në një periudhë kur temperaturat janë të ulëta dhe shumica e qytetarëve ngrohen përmes energjisë elektrike.
Ai ka përmendur gjithashtu edhe praninë e madhe të bashkatdhetarëve nga diaspora, të cilët po i kalojnë pushimet në Kosovë, duke e bërë situatën edhe më të vështirë.
“Situata është e papranueshme dhe kërkon veprim të menjëhershëm”, ka shkruar Haradinaj.
