Nënpresidentja dhe ministrja e Naftës e Venezuelës, Delcy Rodriguez, të hënën u betua formalisht si presidente e përkohshme e vendit, përderisa presidenti i rrëzuar nga ShBA-ja, Nicolas Maduro, u paraqit në një gjykatë në Nju-Jork nën akuzat për drogë, pasi administrata e Trumpit e largoi nga pushteti përmes një aksioni ushtarak dramatik në fundjavë.
Rodriguez, avokate 46-vjeçare e të drejtave të punëtorëve, e njohur për lidhjet e ngushta me sektorin privat dhe përkushtimin e saj ndaj partisë në pushtet, u betua para vëllait të saj, Jorge, i cili e udhëheë legjislativin në Asamblenë Kombëtare, raporton agjencia e lajmeve “Reuters”.
Betimin të hënën e bënë edhe 283 deputetë të zgjedhur në muajin maj. Vetëm një pjesë e tyre cilësohen si pjesë e opozitës.
Shumica e opozitës, sidomos fraksioni i drejtuar nga fituesja e Çmimit Nobel, Maria Machado, e bojktouan procedurën.
E vetmja deputete që nuk ishte e pranishme, ishte zonja e parë, Cilia Flores, e cila po mbahet në ndalim në ShBA bashkë me Maduron.
