Kompania Rajonale e Ujësjellësit “Mitrovica” ka njoftuar se furnizimi me ujë të pijes ka filluar, mirëpo aktualisht po operon me kapacitet të reduktuar.
“ Ju rikujtojmë se uji i shpërndarë në këtë fazë nuk duhet të përdoret për pije, por mund të përdoret vetëm për nevoja higjienike dhe sanitare”, ka njoftuar KRU Mitrovica.
Njoftimi i plotë:
NJOFTIM PËR PUBLIKUN
Të nderuar qytetarë,
Ju informojmë se KRU “Mitrovica” Sh.A. ka filluar trajtimin dhe shpërndarjen e ujit nga impiantet tona të trajtimit të ujit. Aktualisht, operimi po bëhet me kapacitet të reduktuar, ndërsa, në varësi të krijimit të kushteve, do të vazhdojmë gradualisht me rritjen e kapacitetit.
Ju rikujtojmë se uji i shpërndarë në këtë fazë nuk duhet të përdoret për pije, por mund të përdoret vetëm për nevoja higjienike dhe sanitare.
Për çdo përmirësim të situatës dhe rritje të kapacitetit, do t’ju informojmë në kohë reale.
Ju falënderojmë për mirëkuptimin dhe bashkëpunimin.
