Enver Robelli, gazetar i njohur nga Kosova, ka shkruar një status, në të cilin ka problematizuar një temë nga veriu i Kosovës.
Më saktë, Robelli ka shkruar për heqjen e një baneri me ngjyrim fetar ortodoks në Mitrovicë të Veirut nga ana e Policisë së Kosovës.
Robelli ka theksuar se kjo situatë është keqpërdorur nga Serbia, për të deformuar realitetin dhe pasqyruar atë si një konflikt fetar.
Tutje, Robelli ka shtruar një pyetje.
“Kam një pyetje për policinë e Kosovës dhe për dikasteret përkatëse të qeverisë: a jeni kaq vigjilentë edhe kur pjesëtarë të popullsisë shumicë, pra shqiptarët, vendosin banerë nëpër ndërtesa gjithandej nëpër Kosovë? Vetëm nëpër fasada në qendër të Prishtinës janë të vendosur gati 10 banerë. A janë lëshuar leje për vendosjen e këtyre banerëve? A është dhënë pëlqimi nga autoritetet kompetente? Po si qëndron puna me gjithë ato përmendore e buste të vendosura kudo nëpër hapësira publike në Kosovë – a lëshohen leje për to?” – ka shkruar Robelli, ndër të tjera.
https://www.facebook.com/share/1LBAYd7L3Y/?mibextid=wwXIfr
