Departamenti i Shtetit po pezullon përpunimin e vizave të emigrantëve për 75 vende në një përpjekje për të goditur aplikantët që konsiderohen të mundshëm të bëhen barrë publike.
Kështu po raporton mediumi amerikan ‘Fox News’, duke prezantuar edhe listën e vendeve që pritet të preken nga ky vendim. Në listë përfshihet Kosova, Shqipëria, Mali i Zi dhe Maqedonia e Veriut në mesin e shteteve të rajonit.
“Lista e plotë e vendeve përfshin Afganistanin, Shqipërinë, Algjerinë, Antigua dhe Barbudën, Armeninë, Azerbajxhanin, Bahamas, Bangladeshin, Barbadosin, Bjellorusinë, Belizen, Butanin, Bosnjën, Brazilin, Burmën, Kamboxhian, Kamerunin, Kepin e Gjelbër, Kolumbinë, Bregun e Fildishtë, Kubën, Republikën Demokratike të Kongos, Dominikën, Egjiptin, Eritrenë, Etiopinë, Fixhin, Gambinë, Gjeorgjinë, Ganën, Grenadën, Guatemalën, Guinenë, Haitin, Iranin, Irakun, Xhamajkën, Jordaninë, Kazakistanin, Kosovën, Kuvajtin, Kirgistanin, Laosin, Libanin, Liberinë, Libinë, Maqedoninë, Moldavinë, Mongolinë, Malin e Zi, Marokun, Nepalin, Nikaraguanë, Nigerinë, Pakistanin, Republikën e Kongos, Rusinë, Ruandën, Shën Kitsin dhe Nevisin, Shën Luçinë, Shën Vincenti dhe Grenadinet, Senegalin, Sierra Leonen, Somalinë, Sudanin e Jugut, Sudanin, Sirinë, Tanzaninë, Tajlandën, Togon, Tunizinë, Ugandën, Uruguain, Uzbekistanin dhe Jemenin”, thuhet në listë.
Një memo e Departamentit të Shtetit, e parë nga Fox News, u drejtohet zyrtarëve konsullorë që të refuzojnë vizat sipas ligjit ekzistues, ndërsa departamenti rivlerëson procedurat e shqyrtimit dhe verifikimit.
Pauza do të fillojë më 21 janar dhe do të vazhdojë për një kohë të pacaktuar derisa departamenti të kryejë rivlerësimin e përpunimit të vizave të emigrantëve.
Në nëntor të 2025-ës, një kabllogram i Departamentit të Shtetit i dërguar në të gjithë botën u udhëzoi zyrtarëve konsullorë të zbatonin rregulla të reja gjithëpërfshirëse të shqyrtimit sipas të ashtuquajturës dispozitë “barrë publike” të ligjit të imigracionit.
Udhëzimi rekomandon zyrtarët konsullorë të refuzojnë vizat për aplikantët që konsiderohen të prirur të mbështeten në përfitime publike, duke marrë në konsideratë një gamë të gjerë faktorësh, duke përfshirë shëndetin, moshën, aftësinë e anglishtes, financat dhe madje edhe nevojën e mundshme për kujdes mjekësor afatgjatë. /Insajderi.org/
