Kryetari i LDKsë, Lumir Abdixhiku bashkë me strukturat e kësaj partie, ka bërë homazhe në Kompleksin Memorial në Reçak, për të kujtuar 45 viktimat e masakruara 27 vjet më parë nga forcat paramilitare serbe.
Abdixhiku tha se kjo masakër kishte qenë jë tronditje edhe ndërkombëtare, duke shtuar se të rënët për lirinë e vendit do të kujtohen e nuk do të harrohen asnjëherë.
Ai theksoi se drejtësia për Reçakun do të kërkohet gjithmonë.
“Sot shënojnë dhe njëkohësisht nderojmë viktimat e masakrës së Reçakut një nga ngjarjet më tragjike të kontinentit të Evropës, së historisë moderne të Evropës. Në mëngjesin e hershëm, të 15 janarit 45 civilë burra gra, të rinj e të reja, fëmijë e të moshuar u masakruan nga forcat paramilitare serbe duke dhënë kështu një tronditje jo veç në Kosovë por edhe një tronditje ndërkombëtare e cila u dokumentua si krim njerëzor nga institucione dhe në atë kohë nga ambasadori Walker. Në këtë ditë kujtojmë dhe shënojmë jo vetëm viktimat por edhe sakrificën e popullit të Kosovës për liri, pavarësi dhe për çlirim, për të drejtën për të jetuar të liri me dinjitet në republikën tonë dhe në shtetin tonë. Lavdi të rënëve për këtë liri, lavdi viktimave të Reçakut. Reçaku nuk harrohet, drejtësia për Reçakun gjithmonë do të kërkohet”, tha Abdixhiku.
