Prokuroria Themelore në Prishtinë është duke zhvilluar akssion kundër katër personave. Dy persona dyshohen për “Keqpërdorim të pozitës apo autoritetit zyrtar”, ndërsa dy të tjerë për “Pranim të ryshfetit në sektorin privat”.
Betimi për Drejtësi raporton se aksion ndërlidhet me dallaveret në procesin e lëshimit të lejeve për armë.
Deri më tani janë arrestuar katër persona, dy zyrtarë të Ministrisë së Punëve të Brendshme, si dhe dy zyrtarë të një kompanie private.
Lajmin për aksion e konfirmoi zëdhënësja e kësaj prokurorie, Kaltrina Shala, për Gazetën Express.
“Lidhur me pyetjen tuaj e konfirmojmë se është duke u zhvilluar një aksion ndaj dy (2) personave për veprën penale “Keqpërdorim i pozitës apo autoritetit zyrtar” në bazë të nenit 414 par.1 të Kodit Penal të Republikës së Kosovës, si dhe dy (2) persona të tjerë për veprën penale “Pranimi i ryshfetit ne sektorin privat” në bazë të nenit 309 të KPRK-se. Për më shumë detaje ju njoftojmë me kohë”, tha Shala.
