Kryeministri në detyrë, Albin Kurti, ka reaguar pas lajmit të rëndë për aksidentin tragjik hekurudhor në Spanjë, i cili ka shkaktuar humbjen e shumë jetëve njerëzore.
Përmes një postimi në platformën “X”, Kurti ka shprehur pikëllimin e thellë për këtë ngjarje tragjike, duke theksuar se mendimet e tij janë me viktimat dhe familjet e tyre në këto momente të vështira.
“Jemi thellësisht të pikëlluar nga lajmet që vijnë nga Spanja për aksidentin tragjik të trenit që mori shumë jetë. Mendimet tona janë me viktimat dhe familjet e tyre, ndërsa ekipeve të shpëtimit u urojmë forcë në përpjekjet e tyre,” ka deklaruar Kurti.
Ngjarja ka tronditur opinionin publik në Spanjë dhe më gjerë, ndërsa autoritetet përkatëse po vazhdojnë operacionet e shpëtimit dhe hetimet për zbardhjen e shkaqeve të aksidentit.
