Ministrja në detyrë e Ekonomisë, Artane Rizvanolli, ka tentuar të mbulojë dështimin në furnizim të rregullt me energji elektrike përmes shfaqjes së kushteve të vështira të punës së punëtorëve në Koorporatën Energjetike të Kosovës (KEK).
Rizvanolli, me anë të një shkrimi në ‘Facebook’, ka shpërndarë punonjësit e KEK’ut duke punuar në kushte të vështira pune, teksa ka bërë thirjre që të kursehet energji elektrike, shkruan Insajderi.
“Punëtorët e KEK-ut nuk kursejnë veten në kushte të vështira pune – ndërsa ne vetëm duhet të kursejmë pak energji elektrike – për të kontribuuar në sigurinë energjetike”, ka thënë Rizvanolli
Ministrja siç duket ka harruar se është në kompetencë të saj sigurimi i kushteve më të mira të punës dhe furnizimi i rregullt me energji elektrike.
Kosova ditëve të fundit është përballur me reduktime me energji elektrike, gjë për të cilën pushtetarët në detyrë s’e kanë thënë ende asnjë fjalë.
