Kryetari i Partisë Demokratike të Kosovës, Bedri Hamza, mbrëmë në Rubikon foli rreth zhvillimeve aktuale politike në vend.
Hamza në Klan Kosova foli edhe rreth dyshimeve për vjedhje të votave.
Ai u tregua goxha i ashpër me bashkëpartiakët e tij.
Kreu i PDK-së theksoi se nëse faktohet vjedhja e votave, si akt moral ata nuk duhet ta pranojnë mandatin e deputetit.
“Ti mundesh me i pasë 50 mijë vota, 100 mijë vota, por nëse të janë shtuar votat, konstatohet edhe faktohet se ti je pjesë e saj, nuk mund të thuash ti se unë edhe pa këto vota bëhem deputet”, deklaroi Hamza në Klan Kosova
