Presidentja e Republikës së Kosovës, Vjosa Osmani, është duke qëndruar në Davos, atje ku nënshkroi anëtarësimin e Kosovës në “Bordin e Paqes”.
E para e vendit u ftua në tavolinë për nënshkrim, teksa para se të firmoste dokumentin e anëtarësimit, ajo bisedoi pak çaste me homologun amerikan, Donald Trump.
Osmani mori pak sekonda për t’i thënë diçka Trumpit, me këtë të fundit që nuk i lëshoi dorën për asnjë çast, shkruan IndeksOnline.
Pasi folën bashkë, Trump i dha Osmanit përparësinë për të nënshkruar dokumentin e anëtarësisë.
“Bordi i Paqes”, i iniciuar nga presidenti amerikan, ka për synim të gjejë dhe ofrojë zgjidhje afatgjatë në Lindjen e Mesme.
