Ekonomisti Adem Qorrolli ka deklaruar se problemet energjetike në Kosovë janë thelbësore dhe po ndikojnë drejtpërdrejt në zhvillimin ekonomik, bizneset dhe mirëqenien e qytetarëve.
Sipas tij, energjia elektrike është faktor bazik për mbijetesë dhe zhvillim ekonomik, por institucionet aktuale nuk e kanë trajtuar si prioritet këtë çështje.
Qorrolli theksoi se Qeveria erdhi në pushtet me një diskurs kundërshtues ndaj projekteve strategjike energjetike, përfshirë edhe një projekt në bashkëpunim me institucionet amerikane, i cili sipas tij do ta zgjidhte problemin e energjisë në Kosovë.
“Problemet energjetike në Kosovë shihet se janë thelbësore dhe bazike sepse energjia elektrike është akteri kryesor e të bërit biznes, mbijetesës dhe zhvillimit, por këto institucione nuk e kanë pasë problem sepse kanë ardhë në pushtet me një dokorr të kundërshtimit të projektit në bashkëpunim me institucionet amerikane që problemi i energjisë të jetë i zgjidhur për Kosovën, por këta e kundërshtuan duke e shkëptur një kontratë që ishte e bujshme për vendin”, tha Qorrolli.
Në anën tjetër, ai paralajmëroi se në muajin mars të këtij viti, çmimi i energjisë elektrike do të rritet edhe për 15%.
“Qytetarët po e përkrahin dhe po i paguajnë gabimet e tyre një pas një. Ne mund t’i sigurojmë qytetarërt se sa më shumë që blen Qeveria rrymë, kuptohet që ajo do t’iu plasaritet në pjesën e pagesave. Nga marsi pritet që edhe 15% të rritet energjia elektrike”, tha Qorrolli për GazetaBlic.
