Presidentja e Kosovës, Vjosa Osmani, ka pritur në takim sot të ngarkuarën me punë të SHBA’së në Kosovë, Anu Prattipati, me të cilën kanë diskutuar për anëtarësimin e Kosovës në Bordin e Paqes dhe zhvillimet e fundit në vend.
“Në këtë kontekst, Presidentja Osmani theksoi se linjëzimi i Republikës së Kosovës me Shtetet e Bashkuara të Amerikës ka qenë gjithmonë vendimi i duhur dhe strategjik. Ajo nënvizoi se Kosova beson në lidershipin e Presidentit Trump dhe mbetet e gatshme të japë kontribut konkret dhe të përgjegjshëm në përpjekjet ndërkombëtare për ruajtjen e paqes, stabilitetit dhe sigurisë.”
Në komunikatë thuhet se Osmani dhe Prattipati “shkëmbyen gjithashtu pikëpamje për një sërë çështjesh të rëndësishme në kuadër të bashkëpunimit bilateral, si dhe për agjendën ndërkombëtare të Presidentes në muajt në vijim”.
