Profesori Enver Hasani ka deklaruar se presidentja Vjosa Osmani nuk ka marrë ndonjë vendim pa shkelur Kushtetutën “pa kurrfarë pardoni” që nga dita e parë e mandatit të saj, raporton GazetaBlic.Ai tha se, krahasuar me presidentët e mëparshëm të Kosovës, Osmani ka ushtruar rolin e saj në mënyrë më të papërgjegjshme, duke shtuar se si përfaqësuese e qytetarëve te Këshilli i Evropës duhet të tregojë pse Kosova nuk po pranohet në këtë institucion.
“Nuk e di ndonjë vendimmarrje, që Vjosa Osmani nuk e ka shkelë Kushtetutën, pa kurrfarë pardoni, prej ditës së parë deri tani. Për Këshill të Evropës, ajo si shef i Shteti është përfaqësuese e qytetarëve dhe duhet të tregojë pse nuk po pranohemi në KiE”.“Në krahasim më të gjithë presidentët që kanë qenë në Kosovë, asnjë në mënyrë më të papërgjegjshme nuk i ka ushtruar rolet se sa Vjosa Osmani”, tha Hasani në DPT te Fidani.
