Një aksident trafiku me pasoja fatale ka ndodhur mbrëmjen e së mërkurës në Mitrovicë të Jugut.
Sipas informatave zyrtare, më 05 shkurt 2026, rreth orës 18:25, në rrugën “Ulqini”, një veturë ka goditur një këmbësor. Si pasojë e aksidentit, këmbësori ka pësuar lëndime të rënda trupore dhe është dërguar për tretman mjekësor në Qendrën Klinike Universitare të Kosovës (SHSKUK).
Megjithë përpjekjet e stafit mjekësor, autoritetet spitalore kanë njoftuar më vonë se viktima ka ndërruar jetë si pasojë e plagëve të marra.
Viktima është identifikuar si mashkull rreth 76-vjeçar. Me urdhër të prokurorit kompetent, trupi i pajetë është dërguar në Institutin e Mjekësisë Ligjore për obduksion.
Hetimet lidhur me rastin janë duke u zhvilluar nga njësitet përkatëse policore për të sqaruar rrethanat e aksidentit.
https://www.facebook.com/share/p/17JFghANLQ/?mibextid=wwXIfr
