Ai ka treguar se gjatë seancave, Selimi shpeshherë merrej me vizatim, ndërkohë që paralelisht përgatiste edhe fjalimet e tij.
“Interesimi im ka qenë pak te Rexhep Selimi, tu pas parasysh që vizatonte gjatë gjithë kohës në seancë dhe në anën tjetër përgatiste fjalimin e tij. E pyeta njëherë një prej familjarëve të tij se a e bën gjithmonë këtë gjë, tu e pas parasysh shpirtin artistik të tij, qoftë në shkrimin e teksteve por edhe në vizatime të ndryshme, tu pas parasysh që ka pas edhe ekspozitë vitin e kaluar dhe më thanë se kështu bën gjithmonë.”
Sipas gazetarit, familjarët e Selimit kanë treguar se aktiviteti i tij nuk është ndalur as brenda në paraburgim.
“Më thanë që brenda javës i lexon diku 5 deri në 6 libra, dhe i ka dikun deri 300 vizatime të tilla, brenda qendrës së paraburgimit.”- tha ai.
