Kryetari i LDK-së, Lumir Abdixhiku pas takimit me Kryeministrin Albin Kurti ka thënë se janë dy mënyra për çështjen e Presidentit. Sipas tij e para është se duhet përmes konsensusit politik ose marrëveshje politike mes partive.
Pas këtij takimi dy orësh, Abdixhiku tha se kanë diskutuar për shumë çështje, por në thelb ajo e presidentit, pasi siç tha dhe ai afati kushtetues po rrjedh dhe janë 9 ditë deri te zgjedhja e presidentit të ri.
“Ishte një takim ndërpartiak që diskutonte çështjen e presidentit, dhe jo vetëm. Folënm për politikën e jashtme të Kosovës, çështjet e sigurisë. E falënderova për përfshirjen e buxhetit të Komunës së Prishtinës në atë qëndror. Në përgjithësi folën për presidentin, dhe afatit kushtetutes që po na rrjedh, janë 9 ditë deri te zgjedhja. Dakordimi është që janë dy rrugë përpara, e para që duhet konsensus politik, dhe ose duhet marrëveshje klasike politike mes partive dhe në të dyja rastet duhet 2/3 e votave të deputetëve të Kosovës”, tha Abdixhiku.
Kryetari i LDK-së theksoi se do të takohen sërish për të parë në ditët në vijim njërën prej këtyre dy mundësive.
Sa i përket ndonjë emri nga LDK-ja, Abdixhiku tha se s’kanë folur për emra por vetëm për parime dhe shmangies nga zgjedhjet e parakohshme.
“Nuk përmendëm emra, folëm për parime dhe shmangies së zgjedhjeve të parakohshme”, tha Abdixhiku.
Sa i përket asaj nëse iu kishte kaluar hatërmbetja për “hajvanatin”, Abdixhiku tha se tani po flitet për një proces të ardhshëm të Republikës së Kosovës, dhe se këto janë çështje të interpretimeve të tyre.
“Ishte një takim përmbajtësor për çështje me itneres nacional, përfshirë Presidentin. Ishte takim i mbarë, i mirë mes dy partive politike, një çështje që duhet të na përfshijë të gjithëve. Nuk kemi folur për emra, për propozime konkrete”, tha ai./Reporteri/
