Për herë të parë që nga funksionimi i sistemit “Qytet i Sigurt”, më 24.02.2026 nuk u regjistrua asnjë shkelje për kalim në semafor të kuq, përcjell TV21. Sipas MPB-së, në zonat e qyteteve dhe korridoret ku janë vendosur kamerat, u regjistruan gjithsej 526 shkelje, prej të cilave 84 janë bërë nga shoferë me targa të huaja.
Për vozitje me shpejtësi më të madhe se e lejuara u regjistruan 504 shkelje dhe 22 për drejtim të mjetit me regjistrim të skaduar. Gjithashtu, janë shqiptuar gjithsej 17 masa “ndalim për drejtim të mjetit” – të gjitha për vozitje me shpejtësi mbi të lejuarën, prej të cilave 13 për shpejtësi mbi 80 km/h brenda zonave të banuara dhe katër masa për shpejtësi mbi 10 km/h mbi kufirin e lejuar të mjetit.
Brenda tolerancës së lejuar për shpejtësinë e lëvizjes u toleruan 3,336 shoferë.
