Komuna e Prishtinës, e udhëhequr nga Përparim Rama, ka njoftuar për dhënien e tre tenderëve me procedurë të negociuar, vetëm gjatë muajit shkurt. Tenderi me vlerën më të lartë arrin afro 700 mijë euro.
Brenda një muaji, Komuna e Prishtinës, e udhëhequr nga Përparim Rama i LDK’së, ka dhënë tre tenderë përmes procedurës së negociuar.
Sipas Eprokurim që të tri kontratat janë dhënë gjatë muajit shkurt 2026. Kështu edhe figuron në njoftimin e nënshkrimin të kontratave.
Tenderi “Konkurs projektimi per parkun perkujtimor Dr. Ibrahim Rugova dhe biblioteka presidenciale”, ka vlerën më të lartë financiare, prej të treve i cili është dhënë për shërbime projektimi dhe inxhinierike.
Kontrata është dhënë më 26 shkurt 2026, ndërsa nënshkrimi ishte planifikuar për 2 mars 2026.
Vlera e përgjithshme e kontratës është 689,000 euro për një periudhë katërmujore.
Kontrata i është dhënë grupit të operatorëve ekonomikë: FST Engineering SH.P.K.; LSN+Partners SH.P.K.; N.N.SH. Vizion Project ; ALN Architekturbüro Leinhäupl + Neuber GmbH
Tenderi i dytë i negociuar ka të bëjë me “Sigurimin fizik të objekteve të Komunës – kontratë e negociuar për 6 muaj”. Kontrata ishte nënshkruar më 27 shtator 2025, ndërsa me 18 shkurt është publikuar njoftimi për nënshkrimin e kontratës.
Vlera e përgjithshme e kontratës është 80,995.80 euro.
Kontrata i është dhënë kompanisë “SKYFTERAT – LIVE” SH.P.K.
Sipas të dhënave në Eprokurim, në këtë procedurë kanë marrë pjesë dy tenderues, ndërsa vetëm një është shpallur i përgjegjshëm.
Tenderi i tretë është “Ofrimin e shërbimit të grumbullimit, transportimit dhe deponimit të mbeturinave të shpërndara”, në kuadër të një kontrate kornizë 6-mujore me negocim”.
Kontrata është nënshkruar më 12 shkurt 2026. Vlera e parashikuar e kontratës ka qenë 950,000.00 euro.
Ndërsa vlera e përgjithshme e kontratës thuhet se është 181.40 euro.
Fitues është shpallur grupi i operatorëve ekonomikë “SELMANS NETWORK” SH.P.K. dhe “MARDEM GROUP” SH.P.K., me adresë në lagjen Spitalit, rruga “Jakov Xoxa”, Kompleksi Blini, në Prishtinë.
Llotin 2 të kësaj kontrate e ka fituar Grup i Operatorëve Ekonomik LEDI SH.P.K.; Rahovica Comerce SH.P.K.; QualityAsphalt SH.P.K.
Vlera e llotit 2 është 70.60./Insajderi.org
