Glauk Konjufca, ministër i Punëve të Jashtme dhe Diasporës, ka reaguar pas sulmeve ajrore të Iranit në bazat ushtarake të ShBA-së dhe mbi caqet në Izrael.
Duke shkruar në X, Konjufca ka dënuar këto sulme.
Tutje, Konjufca ka theksuar se Kosova qëndron me aleatët e saj.
Postimi i plotë:
E dënoj fuqishëm sulmet e regjimit iranian kundër bazave ushtarake të SHBA-së dhe vendeve tona partnere në Lindjen e Mesme. Sulmet e sotme ndaj zonave civile në Jerusalem, ku u vranë të paktën 9 persona, si dhe sulmet pa dallim që synuan zona komerciale dhe rezidenciale në Emiratet e Bashkuara Arabe, tregojnë një shpërfillje të papërgjegjshme ndaj jetëve të pafajshme dhe stabilitetit rajonal.
Kosova qëndron fuqishëm përkrah aleatëve tanë amerikanë dhe partnerëve tanë në rajon kundër veprimeve që kërcënojnë paqen, sigurinë dhe stabilitetin ndërkombëtar.
