Deputeti i Lidhjes Demokratike të Kosovës, Besian Mustafa, ka thënë se për LDK-në zgjedhjet e reja janë të panevojshme.
Pas takimit me Grupin Parlamentar Mustafa, ka thënë se LDK është për dy rrugë, konsensus i gjerë ku të gjitha partitë pajtohen për një kandidat, ose ku arrihet një marrëveshje klasike politike mes LDK-së dhe VV-së.
“LDK është për dy drejtime. Konsensusi i gjerë politik, një kandidat që vjen si pajtueshmëri nga të gjitha partitë politike.
E dyta një marrëveshje klasike politike, në këtë rast LDK-së dhe partisë në pushtet”, ka thënë Mustafa.
Ai në fund ka thënë se pa LVV-në s’bëhet asgjë, meqë i kanë 66 deputetë.
“Më lejoni të theksoj që ata kanë 66 deputet, asgjë s’bëhet pa ta”, ka shtuar ai.
