Qeveria e Shteteve të Bashkuara ka njoftuar se po bashkëpunon me Ekuadorin për të luftuar “terroristët” në vendin e Amerikës së Jugut.
Të mërkurën, Komanda Jugore e SHBA-së, njësia ushtarake që mbikëqyr operacionet në Amerikën Qendrore dhe Jugore, njoftoi se përpjekjet e përbashkëta tashmë kishin filluar në Ekuador.
“Më 3 mars, forcat ushtarake ekuadoriane dhe amerikane nisën operacione kundër organizatave të përcaktuara si terroriste në Ekuador”, tha gjenerali Francis Donovan.
Deklarata u shoqërua me pamje video të helikopterëve ushtarakë që ngriheshin, si dhe imazhe bardh e zi të mbikëqyrjes ajrore të figurave që hipnin në helikopterë në tokë.
Njoftimi duket të jetë pjesë e fushatës së Presidentit të SHBA-së, Donald Trump, kundër rrjeteve kriminale dhe karteleve të drogës në Amerikën Latine.
Operacioni ushtarak i ShBA-ve në këtë vend të Amerikës Latine është lejuar me dekret të presidentit Daniel Noboa.
