Banorët e rrugës “Sami Pojani” në Hajvali po përballen me një problem të vazhdueshëm me mbeturinat, të cilat sipas tyre nuk janë larguar tash e më shumë se dy muaj.
Sipas ankesave të qytetarëve, kontejnerët dhe mbeturinat në këtë rrugë kanë mbetur pa u marrë për një kohë të gjatë duke ndikuar edhe në pastërtinë e ambientit.
“Ironia më e madhe është se kur afrohen zgjedhjet, telefonat tanë nuk ndalen nga SMS-të dhe thirrjet për votë. Atëherë kujtohen për qytetarët, për premtime dhe për vizita në lagje. Por tani që duhet një shërbim bazë si marrja e mbeturinave, askush nuk duket askund”, tha një banor për Insajderin.
