Shala në një intervistë për GazetaBlic, tha se edhe pse qeveria kishte shumicën absolute, ajo nuk arriti të krijojë institucionet e nevojshme, duke e thelluar krizën institucionale dhe se vendi mbetet në pritje të një vendimi nga Gjykata Kushtetuese, i cili do të hapte rrugën për zgjedhje të reja parlamentare.

“Ne jemi duke e pritur vendimin e Gjykatës Kushtetuese, është i vetmi organ Kushtetues i cili e zhbllokon këtë situatë ngërqi të krijuar nga mazhoranca, nga kryeminstri aktual, i cili kishte shumicën absolute dhe nuk krijoi institucionet. Tani kemi mundësinë e vetme të presim vendimin e Gjykatës dhe të shkojmë në zgjedhjet e ardhshme parlamentare, në shërbim të zhbllokimit, të krijmit të institcuioneve, të stabilitetit politik, ekonomik të insticioneve të shtetit”, tha ai.

Ndërkohë, Shala bëri të ditur se Partia Demokratike e Kosovës është në mobilizim të plotë organizativ, si në nivel qendror ashtu edhe në atë lokal, me synimin për të përmirësuar rezultatin në zgjedhjet e ardhshme.

“Gjithësesei, jemi në mobilizim dhe në organizim maksimal me të gjitha nivelet organizative të Partisë Demokratike të Kosovës, nga nivelet qendër dhe nivelet lokale dhe do të ndryshojmë pozitivisht rezultatin e ardhshëm zgjedhor”, përfundoi Shala.