Kryetari i Vushtrrisë, Ferit Idrizi, së bashku me nënkryetarin Shpëtim Zhegrova, kanë marrë pjesë në faljen e namazit të Fitër Bajramit, ku më pas kanë vijuar me vizita dhe urime për qytetarët.
Pas përfundimit të faljes, ata qëndruan për vizitë në Bashkësinë Islame në Vushtrri, ndërsa më tej zhvilluan takime me qytetarë, duke uruar festën e Fitër Bajramit.
Gjatë aktivitetit, në bashkëpunim me imamin, janë shpërndarë edhe dhurata për fëmijët që ishin të pranishëm në këtë ditë festive.
Me këtë rast, kryetari Idrizi ka uruar të gjithë besimtarët myslimanë: “Urime Fitër Bajrami!”
