Presidentja Vjosa Osmani de kryeparlamantajra Albulena Haxhiu nuk e kanë thënë asnjë fjalë rreth vendimeve të djeshme të Gjykatës Kushtetues, e cila nuk ua ka pranuar kërkesat.
Kanë kaluar gati 24 orë që Kushtetuesja ka rrëzuar kërkesat e tyre dhe dy zyrtaret më të larta shtetërore nuk e kanë thënë asnjë fjalë për këtë çështje.
Në njoftimet e gjykatës është thënë se gjyqtarët njëzëri kanë vendosur që kërkesa e presidentes Osmani në lidhje me anëtarët e KQZ-së të shpallet si e pa pranueshme.
Gjithashtu dje kjo gjykatë ka njoftuar se e njëzëri është vendosur që të hedhet poshtë edhe kërkesa e kryeparlamenatres Haxhiu, e cila i kishte kërkuar gjykatës të detyrojë deputetët të qëndrojnë në sallë gjatë zgjedhjes së Presidentit.
Ndonëse Osmani dhe Haxhiu janë juriste me profesion, Kushtetuesja ka treguar se ato ia kanë huqur me kërkesat e tyre.
Zyrtarët e opozitës dhe të shoqërisë civile kanë vlerësuar se kjo tregon se Osmani dhe Haxhiu bëjnë kërkesa të paqëndrueshme në Gjykatë Kushtetuese.
Deputeti i PDK-së, Përparim Gruda, ka komentuar vendimin e gjykatës në raport me kërkesën e kryeparlametares.
“Gjykata Kushtetuese ka vendosur të hedhë poshtë kërkesën e Kryetares së Kuvendit, Albulena Haxhiu, dhe 9 deputetëve të tjerë të LVV-së, me të cilën kërkohej që Gjykata të detyrojë deputetët të qëndrojnë në sallë gjatë zgjedhjes së Presidentit. Kjo kërkesë, që nga fillimi, ishte jo vetëm absurde, por edhe juridikisht e paqëndrueshme dhe pa asnjë bazë kushtetuese. Ajo që e bën këtë rast edhe më domethënës është fakti se Gjykata ka nxjerrë “Vendim për hedhje poshtë të kërkesës”, një formë vendimmarrjeje që ndodh shumë rrallë dhe përdoret vetëm kur një kërkesë dështon të kalojë edhe testet më elementare për shqyrtim. Me fjalë të tjera, kjo kërkesë nuk është refuzuar pas një analize të thellë, ajo është rrëzuar që në bazë, sepse nuk përbënte as çështje kushtetues”, ka shkruar Gruda në profilin e tij në Facebook.
Edhe anëtari i Kryesisë së LDK-së, Muhamet Hamiti, ka komentuar vendimet e Kushtetuese.
“Të papranueshme kërkesat e të dyjave, Vjosa Osmanit dhe Albulena Haxhiut”, ka shkruar ai në profilin e tij në Facebook.
Kurse, hulumtuesi i IKD-së, Naim Jakaj, e ka cilësuar të pritshëm vendimin e Gjykatës Kushtetuese për rrëzimin e kërkesës së kryeparlamentares Albulena Haxhiu.
Sipas tij, kërkesa ishte e gabuar, pasi një aktgjykim i vitit 2016 përcakton se deputetët nuk mund të detyrohen të marrin pjesë në votim.
“Deputetët nuk mund të detyrohen të marrin pjesë në seancë dhe të votojnë pro, kundër apo të abstenojnë”, ka thënë Jakaj, duke shtuar se pjesëmarrja në zgjedhjen e presidentit mbetet çështje vullneti politik.
