Përfaqësues të KFOR-it amerikan kanë vizituar njësinë e zjarrfikësve në Mitrovicë, ku janë pritur nga komandanti i saj, Burim Ibishi, raporton Veriu.info.
Ibishi ka falënderuar KFOR-in amerikan për donacionin e dhuruar dhe memorandumin e nënshkruar për forcimin e bashkëpunimit.
Postimi i Burim Ibishi
Sot pata kënaqësinë të zhvilloj një takim me përfaqësuesit e KFOR-it Amerikan në Stacionin e Zjarrfikësve në Mitrovicë.
Gjatë këtij takimi, pranuam një donacion të rëndësishëm për njësinë tonë, si dhe nënshkruam një memorandum bashkëpunimi që do të forcojë edhe më shumë kapacitetet tona në shërbim të qytetarëve.
Shpreh falënderimin tim të sinqertë për KFOR-in Amerikan për mbështetjen e vazhdueshme dhe bashkëpunimin e shkëlqyer. Ky është një hap i rëndësishëm drejt rritjes së sigurisë dhe efikasitetit në punën tonë të përditshme.
